Bişkekdəki Çin səfirliyi önündə törədilən partlayışın görüntüləri yayılıb (VİDEO)

Bakı, 31 avqust, SalamNews, C.Nəzərov. Bişkekdəki Çin səfirliyi önündə törədilən partlayış anının görüntüləri internetdə yayılıb.

SalamNews-un verdiyi xəbərə görə, bu barədə bu gün “AKİpress” agentliyi məlumat verib.

Xatırladaq ki, dünən səhər saatlarında Bişkekdəki Çin səfirliyi ərazisində partlayış törədilib. Partlayış o qədər güclü olub ki, səfirliyin yaxınlığında yerləşən evlərin şüşələri qırılıb, mağaza vitrinləri sıradan çıxıb. Partlayış zamanı terrorçu-kamikadze ölüb, Qırğızıstan vətəndaşları olan səfirlik əməkdaşları zərər çəkib. Çin diplomatlarından heç biri xəsarət almayıb.

“Partlayış videosu müşahidə kameraları tərəfindən qeydə alınıb”,- deyə 51 saniyəlik videonun təsvirində söylənilir, divar səbəbindən terrorçu-kamikadzenin avtomobili görünmür, lakin partlayış və havaya yüksələn tüstü görünməkdədir.