Alma-Atanın mərkəzində atışma baş verib, polislər öldürülüb (VİDEO)

Bakı, 18 iyul, SalamNews, C.Nəzərov. Qazaxıstanın Alma-Ata şəhərində baş verən atışma nəticəsində iki polis öldürülüb.

SalamNews “Reuters” agentliyinə istinadla xəbər verir ki, bu barədə ölkənin güc strukturlarındakı mənbə məlumat verib.

Onun sözlərinə əsasən, şəhərin mərkəzində naməlum şəxslərin silahlı hücumu zamanı bir neçə polis zərər çəkib. Hücum edənlər bir neçə nəfər olublar. Onlardan ən azı biri saxlanılıb.

Mənbə atışmanın şəhərin bir neçə rayonunda qeydə alındığını da əlavə edib.

Bundan başqa, KİV Alma-Ata polis idarəsi rayonunda da atışmanın qeydə alındığını bildirir.