Ukraynaya məxsus T-64 tankı nəqliyyat platformasına qalxarkən çevrilib (VİDEO)

Bakı, 21 iyun, SalamNews, C.Nəzərov. Şəbəkədə “Dnepr-1” batalyonu üzvlərinin “Perun” tankını (T-64 tankının modernləşdirilmiş variantı) nəqliyyat platformasına qaldırmağa çalışdıqları video yayılıb. 

SalamNews-un “Zvezda” telekanalına istinadla verdiyi xəbərə görə, əvvəlcə hər şey qaydasında gedir, lakin sonra gözlənilməz hadisə baş verir: tank sürət yığaraq qalxmağa çalışarkən səmtini itirir və yanüstə aşaraq çevrilir. Gözlənilməz hadisə zamanı tankın topu prosesə rəhbərlik edən zabit üçün təhlükə yaradıb. Lakin zabit son anda uzaqlaşmağa müvəffəq olub. Bundan sonra tank başüstə çevrilib.