Xanım Zeynəbin (ə) mövludu ilə bağlı Gürcüstanda silsilə tədbirlər keçirilir

Bakı, 16 fevral, SalamNews. Bu günlər İslam Peyğəmbərinin (s) əziz nəvəsi, İmam Əlinin (ə) və Həzrət Zəhranın (s.ə) qızı, İmam Həsən və Hüseynin (ə) bacısı, Kərbəlanın böyük qəhrəmanı Zeynəbi-Kübranın (s.ə.) mübarək mövlud gününə təsadüf edir. Bu münasibətlə Gürcüstanda sisilə tədbirlər keçirilir.

Bu barədə SalamNews-a Gürcüstan Müsəlmanları İdarəsinin şeyxi Hacı Ramin İgidov məlumat verib.

Onun sözlərinə görə, “Müsəlman Qadınlar İcması” Tbilisi “Cümə” məscidininin mərasim salonunda mövlud mərasimi düzənlənib. Mərasimdə Qurani-kərimin tilavətindən sonra Hz. Zeynəbin (s.ə) həyatından, fəzilət və məqamından söhbətlər edilib. Xanımın (s.ə) səbri, fədakarlığı və həyası ilə qadınlara örnək olmasından, o xanımın xüsusi ilə Kərbəla vaqiəsində göstərdiyi əvəzsiz xidmətlərindən danışılıb.