Rusiyanın vurulan "Su-24" təyyarəsinin pilotlarından biri ölüb - KİV (VİDEO)

Bakı, 24 noyabr, SalamNews, Y.Haqverdiyeva, C.Nəzərov. Suriya səmasında vurulan Rusiyanın "Su-24" təyyarəsinin pilotlarından biri ölüb.

SalamNews xəbər verir ki, "CNN Türk" televiziya kanalı pilotlardan birinin ölməsi xəbərini yerli sakinlər olan türkmanların çəkdikləri videoya istinadla təqdim edir.

Digər pilotun da onların əlində olduğu bildirilir.

Türkiyə KİV Rusiya təyyarəsinin Türkiyəyə məxsus F-16 təyyarəsi ilə vurulduğunu bildirir.

Buna səbəbin "Türkiyə hava məkanının pozulması" olduğu deyilir.

Qeyd edilir ki, heyət bu barədə xəbərdar edilib, bu səbəbdən təyyarəni tərk edə bilib.