Alma-Atanın mərkəzində tramvay 14 minik avtomobilinə çırpılıb (VİDEO)

Bakı, 14 oktyabr, SalamNews, Y.Haqverdiyeva, C.Nəzərov. Qazaxıstanın Alma-Ata şəhərinin mərkəzində tramvayın iştirakı ilə yol-nəqliyyat hadisəsi baş verib.

SalamNews-un “Tengrinews.kz”a istinadla verdiyi xəbərə görə, tramvay Makatayev küçəsi ilə hərəkət edərkən Seyfullin prospekti ilə kəsişmədə 10 avtomobillə toqquşub.

Şahidlər tərəfindən çəkilən videokadrlardan görünür ki, ilk toqquşmadan sonra tramvay daha dörd minik avtomobilinə dəyib.

İlkin məlumata əsasən, yol-nəqliyyat hadisəsi nəticəsində bir qız xəsarət alıb. O, xəstəxanaya çatdırılıb.

Məlum olub ki, qəza tramvaydakı nasazlıq səbəbilə baş verib.

Hadisənin dəqiq başvermə səbəbləri aparılacaq araşdırmalardan sonra məlum olacaq.