Qazaxıstanda yeni məscidin açılışı olub

Bakı, 5 dekabr, SalamNews. Qazaxıstanın Jetısay şəhərində yeni ″Nur-Jetısay″ məscidinin açılışı olub.

SalamNews-un ″muftyat.kz″yə istinadla verdiyi xəbərə görə, təntənəli mərasimdə Qazaxıstan müftisi Yerjan Mayamerov, paytaxt Astanadakı ″Hazret Sultan″ məscidinin baş imamı Serikbay Oraz iştirak ediblər.

Tədbir Cənubi Qazaxıstan vilayətinin imamı Ahmetjan Kerimbekin müqəddəs Quran qiraəti ilə başlayıb. Bundan sonra respublika müftisi toplaşanları yeni məscidin açılması münasibətilə təbrik edib. O, məscidi tikən, Allah tərəfindən bəyənilən bu işdə iştirak edənlərə Allahın vəd etdiyi mükafatı xatırladıb.

Bildirək ki, 500 nəfərin eyni vaxtda ibadət edə biləcəyi yeni müsəlman məbədində kitabxana və təlim üçün kabinet var.