DÜNYA » İDMAN
24 Sentyabr 2021, 19:30 (GMT +4)

"Qarabağ"ın rəqibinin 2 futbolçusu koronavirusa yoluxub

Bakı,  24 sentyabr, SalamNews, R.Nadirli. “Qarabağ”ın Konfrans Liqasının qrup mərhələsindəki rəqiblərindən olan Qazaxıstan “Kayrat” klubunun 2 futbolçusunda koronavirus aşkarlanıb.

SalamNews xəbər verir ki, bu barədə Qazaxıstan mətbuatı məlumat yayıb. Almatı təmsilçisinin yarımmüdafiəçiləri Andrey Ulşin və Arsen Burançiyevin koronavirus testi müsbət çıxıb.

“Kayrat” H qrupunda “Qarabağ”, “Omoniya” (Kipr) və “Bazel”lə (İsveçrə) mübarizə aparır. Almatı təmsilçisi qrupun ilk oyununda evdə Kiprin “Omoniya” komandası ilə bərabərə qalıb – 0:0.