AZƏRBAYCAN » CƏMİYYƏT
12 Avqust 2021, 12:00 (GMT +4)

Baş Prokurorluq: Bu il Azərbaycanda 33 qadın qəsdən öldürülüb (VİDEO)

Bakı, 12 avqust, SalamNews. Baş Prokurorluq qadınlara qarşı zorakılıq halları ilə bağlı müraciət edib.

SalamNews müraciəti təqdim edir:

"Qadınlara qarşı psixi və fiziki zorakılıq sağlam cəmiyyət üçün ciddi təhdid olaraq qalır. Təəssüflər olsun ki, təkcə bu ilin I yarımili ərzində baş verən qəsdən adam öldürmə cinayətləri nəticəsində 33 qadın zərər çəkib.

Qadınlara qarşı zorakılıqla mübarizədə ən böyük maneə susmaqdır!

Susaraq cinayətə ortaq olma! Qadına qarşı zorakılıq halları ilə üzləşdikdə dərhal Baş Prokurorluğun "961" Çağrı Mərkəzinə müraciət et!

#qadınzorakılığınasusma".