AZƏRBAYCAN » CƏMİYYƏT
24 İyul 2021, 16:34 (GMT +4)

Bulvarda özünü dənizə atan gənc qızın meyiti çıxarılıb

Bakı, 24 iyul, SalamNews. Bulvarda özünü dənizə atan gənc qızın meyiti çıxarılıb.

Fövqəladə Hallar Nazirliyindən SalamNews-a verilən məlumata görə, Böhran Vəziyyətlərində İdarəetmə Mərkəzinə Bakı şəhəri, Səbail rayonu ərazisində yerləşən Dənizkənarı Milli Parkda 1 nəfərin intihar məqsədilə özünü dənizə atması barədə məlumat daxil olub.

Dərhal hadisə yerinə cəlb olunan FHN-nin Kiçikhəcmli Gəmilərə Nəzarət və Sularda Xilasetmə Dövlət Xidmətinin müvafiq xilasetmə qüvvələri 2001-ci il təvəllüdlü Məmmədova Nigar Şamo qızının meyitini sudan çıxararaq aidiyyəti üzrə təhvil veriblər.​