AZƏRBAYCAN » HADİSƏLƏR
08 Aprel 2021, 12:30 (GMT +4)

FHN: Lerikdə torpaq sürüşməsi olub, evlərdə ciddi təhlükə yaranıb (VİDEO)

Bakı, 8 aprel, SalamNews. Fövqəladə Hallar Nazirliyinə (FHN) daxil olan məlumata əsasən, Lerik rayonunun Veri Əliabad kəndində bəzi yerlərdə torpaq sürüşməsi baş verib.

Bu barədə SalamNews-a FHN-inMətbuat xidmətindən bildirilib.

Məlumata görə, nəticədə, kənddə yerləşən 3 ədəd fərdi yaşayış evinin istismarı üçün ciddi təhlükə yaranıb.

Bununla bağlı mütəxəssislərin verdiyi rəyə əsasən, sakinlərin təhlükəsizliyinin təmin edilməsi məqsədilə sürüşmə zonasında yerləşən evlərdə yaşayan ailələrin təhlükəsiz əraziyə köçürülməsi zərurəti yaranıb.

Qeyd olunanları nəzərə alaraq, FHN-in Cənub Regional Mərkəzi tərəfindən həmin evlərdə yaşayan ailələrin müvəqqəti yaşaması üçün 3 ədəd çadır ev qurulub.