AZƏRBAYCAN » CƏMİYYƏT
07 İyul 2020, 09:17 (GMT +4)

ETSN Bakıda kəskin qoxunun yayılması ilə bağlı açıqlama verib

Bakı, 7 iyul, SalamNews. Bakı şəhərinin Nərimanov və Binəqədi rayonlarında ətrafa kəskin iy- qoxunun yayılması ilə bağlı Ekologiya və Təbii Sərvətlər Nazirliyinin (ETSN) mütəxəssisləri tərəfindən araşdırma aparılıb.

Bunu SalamNews-a açıqlamasında ETSN-in Milli Hidrometeorologiya Xidmətinin rəis müavini Vasif Əliyev bildirib.

İy-qoxunun son günlər müşahidə edilən yüksək temperaturun və durğun hava şəraitinin üstünlük təşkil etməsi səbəbindən kanalizasiya sularının axıdıldığı Böyük Şor gölündən yayıldığı ehtimal edilir.

O, qeyd edib ki, mütəxəssislər tərəfindən sözügedən ərazidə monitorinq keçirilib, atmosfer havasından nümunələr götürülüb. Bu barədə daha dəqiq məlumat ictimaiyyətə veriləcək.

Qeyd edək ki, Bakının bəzi ərazilərini üfunət iyi bürüyüb.