DÜNYA » SİYASƏT
25 Mart 2020, 19:59 (GMT +4)

İranlı gənc ruhanilər Avropada yaşlı insanlara kömək məqsədilə ezam olunmaq üçün XİN-ə müraciət ediblər

Bakı, 25 mart, SalamNews. İranda “Gənc ruhani tələbər evi” Avropada yaşlı insanlara yardım etmək məqsədilə ezam olunmaq üçün hazır olduqlarını elan ediblər.

SalamNews-un İran mətbuatına istinadən verdiyi xəbərə görə, gənc ruhanilər bu təşəbbüslə ölkənin XİN rəhbəri Cavad Zərifə müraciət ünvanlayıblar. 

 “Avropada, eləcədə Amerikada Korona virusuna yoluxmuş yaşlı insanların baxımsız qaldığını nəzərə alaraq, özümüzə insani borc hesab edirik ki, o insanların köməyinə gedək və əlimizdən gələn köməkləri əsirgəməyək. Bu əziz insanlara kömək etmək məqsədilə, bu cihad fəaliyyətini yerinə yetirmək üçün biz tələbə və ruhanilərə ezam üçün şərait yaratmağınızı sizdən rica edirik.” deyə müraciət məktubunda bildirilir.