Türkiyədə İŞİD-ə üzvlükdə şübhəli bilinən 100-dən çox şəxs saxlanılıb

Bakı, 30 dekabr, SalamNews, B.Samid. Türkiyə təhlükəsizlik qüvvələri eyni zamanda ölkənin 6 əyalətində əməliyyat həyata keçirərək, İŞİD-ə üzvlükdə şübhəli bilinən 100-dən çox şəxsi saxlayıb.

SalamNews Anadolu-ya istinadla xəbər verir ki, təhlükəsizlik qüvvələri ölkənin Samsun, Bursa, Adana, Batman, Kayseri və Anakara əyalətlərində İŞİD-lə bağlı əməliyyat həyata keçirib.

Təkcə bir gün ərzində 100-dən çox şəxs saxlanılıb.

Batman Prokurorluğunun əmri ilə əyalətdə 22 şəxs İŞİD-ə üzvlükdə şübhəli bilinərək saxlanılıb.

Burada əməliyyatlar zamanı iki şübhəlinin qaldığı mənzillərdən silah-sursat aşkarlanıb.

Kayseri əyalətində saxlanılanlardan 9-u İraq vətəndaşıdır.

Anakarada saxlanılanlardan 30-u iraqlı, ikisi suriyalı, biri isə mərakeşlidir.

Ümumiyyətlə saxlanılanların çoxunu ərəb ölkələrinin vətəndaşları xüsusilə də iraqlılar təşkil edir.