AZƏRBAYCAN » CƏMİYYƏT
11 Oktyabr 2019, 15:14 (GMT +4)

Dövlət Agentliyi: 1185 nəfərin tikintidə qanunsuz işlədildiyi aşkar edilib

Bakı, 11 oktyabr, SalamNews.Prezident yanında Vətəndaşlara Xidmət və Sosial İnnovasiyalar üzrə Dövlət Agentliyinin Əmək Münasibətlərinin Monitorinqi Mərkəzi tərəfindən indiyə kimi tikinti obyektlərində əmək münasibətlərinin tənzimlənməsi ilə bağlı həyata keçirilən monitorinqlərin sayı açıqlanıb.

SalamNews xəbər verir ki, qurumun səyyar monitorinqlərinin 2 illik fəaliyyətinə həsr olunan mətbuat konfransında Mərkəzin müdir müavini Murad Fətullayev deyib ki, indiyədək 158 monitorinq həyata keçirilib:

"Monitorinqdə ümumilikdə 6120 nəfər yoxlanılıb. Bu şəxslərdən 1185 nəfərin əmək və ya xidməti müqavilə olmadan işə cəlb edildiyi aşkar edilib. Monitorinq edilmiş işəgötürənlərin sayı 300 olub. Monitorinq zamanı qeyri-rəsmi məşğulluq səviyyəsi 19,4 faiz təşkil edib``.