DÜNYA » DİN
10 Oktyabr 2019, 12:34 (GMT +4)

Sərhədi keçən Ərbəin zəvvarlarının sayı keçən illə müqayisədə 3 qat artıb - İran

Bakı, 10 oktyabr, SalamNews, B.Samid. "İranla İraqı birləşdirən Mehran sərhəd keçidindən keçənlərin sayı keçən illə müqayisədə 3 qat artıb."

SalamNews FarsNews-a istinadla xəbər verir ki, bunu İranın Prezident Administrasiyası ofisinin rəhbəri Mahmud Vaizi deyib.

İran-İraq sərhədlərinə baş çəkdiyini deyən M. Vaizi bildirib ki, ötən illə müqayisədə Ərəbinə gedən zəvvarlarla bağlı sayı müqayisə etmək olmaz. O bildirib ki, bir günə Mehran keçidindən 180 min insan keçib ki, bu da ötən illə müqayisədə 3 qat artım deməkdir.

Qeyd edək ki, qeyri rəsmi mənbələr bu il Ərbəin ziyarəti ərəfəsində Kərbəla şəhərinə 20 milyondan artıq zəvvarın gedəcəyini təxmin ediblər. İraqın rəsmi mənbələri ötən il bu rəqəmin 12 milyon təşkil etdiyini bildiriblər.