AZƏRBAYCAN » MƏDƏNİYYƏT
29 Avqust 2019, 17:13 (GMT +4)

Yeni Azərbaycan Kulinariya Assosiasiyası yaradılıb

Bakı, 29 avqust, SalamNews.Bir qrup gənc mətbəx mütəxəssislərinin təşəbbüsü ilə Yeni Azərbaycan Kulinariya Assosiasiyası yaradılıb.

SalamNews xəbər verir ki, assosiasiyasının təsisçiləri aşpazlar Orxan Muxtarov, Araz Əhmədov, Sərxan Məmmədov və bloqer Fərhad Aşurbəylidir. Təşkilatın sədri isə Orxan Muxtarovdur.

Assosiasiyanın təsisçilərindən olan Fərhad Aşurbəylinin sözlərinə görə, birliyin yaradılmasında məqsəd Azərbaycan qastronomiyasının gələcək inkişafı üçün bazarı birləşdirməkdir. Assosiasiyanın hədəfləri arasında yalnız peşənin inkişafı və ölkənin aşpaz və qənnadıçılarına dəstək olmaq deyil, həm də qastronomik turizmin inkişafı və milli mətbəxin dünya platformalarında tanıdılması da var.