DÜNYA » SİYASƏT
10 Avqust 2019, 14:40 (GMT +4)

Husi liderinin qardaşını terror edən qrup üzvləri ələ keçirilib

Bakı, 10 avqust, SalamNews, B.Samid. Yəmənin Ənsarullah hərkatının lideri Əbdül-Məlik əl-Husinin qardaşı İbrahim əl-Husini terror edən qrupun üzvlərinin çoxu ələ keçib.

SalamNews  əl-Məyadin telekanalına istinadla xəbər verir ki, bu barədə Yəmənin kəşfiyyat mənbələri məlumat veriblər.

Bildirilib ki, Ənsarullah hərəkatının liderinin qardaşı İbrahim əl-Husini terror edən qrupun üzvlərinin 80 faizi ələ keçirilib.

Əlavə edilib ki, terror qrupu Səudiyyə Ərəbistanın Kəşfiyyatından sifariş və təlimat alıb. Bu terror qrupu sabiq prezident Əli Abdullah Salehə yaxın olan kəşfiyyatçılardan birinin nəzarətində fəaliyyət göstərirmiş.

Qeyd edək ki, ötən gün qərargahı paytaxt Sənada yerləşən Yəmənin Daxili İşlər Nazirliyi İbrahim əl-Husinin terror edilməsi xəbərini verib.