AZƏRBAYCAN » İDMAN
12 May 2019, 16:58 (GMT +4)

Nazirlik “Arsenal”ın erməni futbolçusu bağlı rəsmi açıqlama yayıb

Bakı, 12 may, SalamNews. Azərbaycanın Gənclər və İdman Nazirliyi “Arsenal”ın erməni futbolçusu Henrix Mxitaryanın mayın 29-da Avropa Liqasının finalı ilə əlaqədar təhlükəsizlik məsələsinə dair açıqlama verib.

Nazirliyin mətbuat katibi Səmayə Məmmədova SalamNews-a açıqlamasında bildirib ki, deyilənlər heç bir reallığa sığmır:

“Henrix Mxitaryanın mayın 29-da Bakıda keçiriləcək UEFA Avropa Liqasının finalında iştirakla bağlı Azərbaycanın təhlükəsizlik təminatını verməməsi məsələsinə gəldikdə, bildirmək istərdik ki, bundan öncəki illərdə ölkəmizdə keçirilmiş ilk Avropa oyunları, Şahmat Olimpiadası və digər mühüm yarışların hər birində olduğu kimi dövlət iştirakçı ölkələrə təhlükəsizlik təminatı ilə bağlı məktub göndərib. Odur ki, deyilənlər heç bir reallığa sığmır”.

Qeyd edək ki, mayın 29-da Bakı Olimpiya Stadionunda keçiriləcək qarşılaşmada "Arsenal"ın rəqibi "Çelsi" olacaq. “Arsenal” klubu təhlükəsizlik təminatına dair məktub almadığını iddia edir.